தக்காளி ரசம்

0 கருத்துகள்


தக்காளி ரசம்

தேவையான பொருட்கள் :

தக்காளி - 2
பூண்டு - 5 பல்
முழு மிளகு - 1 ஸ்பூன்
சீரகம் - 1 ஸ்பூன்
வரமிளகாய் - 3 அல்லது 4
புளி - சிறிய எலுமிச்சை அளவு
மஞ்சள் தூள் - 1/2 ஸ்பூன்
உப்பு - 1 ஸ்பூன்
கடுகு - 1/4 ஸ்பூன்
நல்லெண்ணெய் - 2 டேபிள் ஸ்பூன்
கறிவேப்பிலை - 2 கொத்து
மல்லிதழை - சிறிது

செய்முறை :

1.பூண்டு, வரமிளகாய், மிளகு, சீரகம் இவற்றை மிக்சியில் கொரகொரப்பாக பொடித்து கொள்ளவும்.


2.புளியை ஊற வைத்து புளித்தண்ணீர் 1 கப் எடுத்துக் கொள்ளவும்.

3.ஒரு பவுலில் புளி தண்ணீர், பொடித்த பொடியில் பாதி , அரிந்த தக்காளி சேர்த்து நன்கு கலக்கி கொள்ளவும்..தேவையான அளவு உப்பு, மஞ்சள் தூள் சேர்க்கவும்.



4. சட்டியில் எண்ணெய் விட்டு சூடானதும் கடுகு, அரைத்த பொடி, கறிவேப்பிலை சேர்த்து தாளித்து கலந்து வைத்து இருக்கும் ரசத்தை ஊற்றவும்.


5.நுரைக்க தொடங்கியதும் அடுப்பை அணைத்து மல்லிதழை தூவி இறக்கவும்.ரசத்தை கொதிக்க விட கூடாது..

சுவையான எளிதில் செய்ய கூடிய தக்காளி ரசம் தயார்.



நுரையீரல் பொரியல்

1 கருத்துகள்




நுரையீரல் பொரியல்

தேவையான பொருட்கள் :

நுரையீரல் - 1
வெங்காயம் - 1
தக்காளி - 2
பச்சை மிளகாய் - 2
இஞ்சிபூண்டு விழுது - 2 டேபிள் ஸ்பூன்
மஞ்சள் தூள் - 1 ஸ்பூன்
மிளகாய் தூள் - 1/2 ஸ்பூன்
மிளகு தூள் - 1/2 ஸ்பூன்
ஜீரக தூள் - 1/2 ஸ்பூன்
மல்லி தூள் - 1 ஸ்பூன்
உப்பு - 3/4 ஸ்பூன்
எண்ணெய் - 3 டேபிள் ஸ்பூன்
பட்டை - 1 துண்டு
கிராம்பு - 2


செய்முறை : 

1. நுரையீரலை தோல் உரித்து நன்கு அலசி சுத்தம் செய்து சிறு துண்டுகளாக நறுக்கி கொள்ளவும்.



2. குக்கரில் எண்ணெய் சூடானதும் பட்டை கிராம்பு தாளித்து வெங்காயம், உப்பு  சேர்த்து நன்கு வதக்கவும்.

3. வெங்காயம் நன்கு வதங்கியதும் இஞ்சிபூண்டு விழுது சேர்த்து பச்சை வாசனை போகும் வரை வதக்கவும்..தக்காளி, பச்சை மிளகாய் சேர்த்து குழைய வதக்கவும்.



4. நுரையீரலை சேர்த்து நன்கு பிரட்டி விடவும்...தூள் வகைகளை சேர்த்து தூள் வாசம் போகும் வரை பிரட்டி 1/2 கப் தண்ணீர் ஊற்றி 5 விசில் வரும் வரை வேக வைக்கவும்.



5. கறி நன்றாக வெந்து தண்ணீர் வற்றி பொரியல் பதமாக இருக்கும்..தண்ணீர் அதிகமாக இருந்தால் வற்றும் வரை அடுப்பில் சிம்மில் வைக்கவும்..



சுவையான நுரையீரல் பொரியல் தயார்..பக்க உணவாக எந்த உணவுடனும் சாப்பிடலாம்.



 
  • Shamee's Kitchen © 2012 | Designed by Rumah Dijual, in collaboration with Web Hosting , Blogger Templates and WP Themes