முருங்கைகீரை பொரியல்

முருங்கைகீரை பொரியல்

தேவையான பொருட்கள் :

முருங்கைகீரை - 2 கப்

வெங்காயம் - 1

வரமிளகாய்  - 2

கடுகு - 1 ஸ்பூன்

உளுத்தம் பருப்பு - 1 ஸ்பூன்

தேங்காய்ப்பூ - 1/2 கப்

உப்பு - 1/2 ஸ்பூன்

எண்ணெய் - 2 டேபிள் ஸ்பூன்

செய்முறை : 

1. கீரையை சுத்தம் செய்து நீரில் அலசி வைக்கவும்.வெங்காயத்தை 

   மெல்லியதாக நறுக்கி கொள்ளவும்.

2. பானில் எண்ணெய் ஊற்றி சூடானதும் கடுகு, உளுத்தம் பருப்பு, வரமிளகாய்      தாளித்து வெங்காயம், உப்பு சேர்த்து வதக்கவும்.

3. கீரையை சேர்த்து நன்கு பிரட்டி 1/4 கப் நீர் சேர்த்து வேக விடவும்.

4. கீரை வெந்தவுடன் தேங்காய்ப்பூ சேர்த்து கிளறி இறக்கவும்.

சத்தான முருங்கைக்கீரை பொரியல் தயார்.

* சின்ன வெங்காயம் சேர்த்தால் சுவையாக இருக்கும்.

* கீரை நிறம் மாறாமல் இருக்க மூடி போடாமல் சமைக்கவும்.