மட்டன் ஃப்ரை
தேவையான பொருட்கள் :
மட்டன் - 1/2 கிலோ
வெங்காயம் - 2
தக்காளி - 2
பச்சை மிளகாய் - 2
இஞ்சிபூண்டு விழுது - 1 டேபிள் ஸ்பூன்
மஞ்சள் தூள் - 1/2 ஸ்பூன்
மிளகாய் தூள் - 1 ஸ்பூன்
மல்லி தூள் - 1 ஸ்பூன்
சீரக தூள் - 1/2 ஸ்பூன்
உப்பு - 3/4 ஸ்பூன்
தயிர் - 1/4 கப்
எண்ணெய் - 2 டேபிள் ஸ்பூன்
பட்டை, கிராம்பு , ஏலக்காய் - தலா 1
செய்முறை :
1.மட்டனை சுத்தம் செய்து சிறிய துண்டுகளாக நறுக்கி கொள்ளவும்.
2.குக்கரில் எண்ணெய் ஊற்றி சூடு வந்ததும் பட்டை,கிராம்பு, ஏலக்காய் தாளித்து வெங்காயம் , பச்சை மிளகாய் சேர்த்து நன்கு வதக்கவும்.
3.பின்னர் இஞ்சிபூண்டு விழுது சேர்க்கவும்.பச்சை வாசம் போனதும் தக்காளி, மட்டனை சேர்த்து நன்கு வதக்கவும்.
4.தூள் வகைகள், தயிர் சேர்த்து ஒரு சேர பிரட்டவும்.
5.3/4 கப் தண்ணீர் சேர்த்து 6௮ விசில் வரை மட்டனை வேக விடவும்..
6.ப்ரஷர் அடங்கியதும் மட்டன் நன்கு வெந்து எண்ணெய் மினுமினுப்புடன் இருக்கும்..
7.ட்ரையாக வேண்டும் என்றால் சற்று நேரம் சிம்மில் வைத்து சுண்டியதும் இறக்கலாம்.
8.நான் க்ரேவியாக வேண்டும் என்பதால் சிம்மில் வைக்கவில்லை.
சுலபமாக செய்ய கூடிய மட்டன் ஃப்ரை தயார்.
நெய்சாதம் ,தேங்காய் சாதத்துடன் சாப்பிட அருமையாக இருக்கும்.
பரோட்டா, நாண், சப்பாத்தி போன்றவற்றுடனும் சாப்பிடலாம்.
0 கருத்துகள்:
கருத்துரையிடுக
உங்கள் கருத்துக்கள் என்னை போன்ற புதியவர்களுக்கு ஊக்கமளிக்கும்...