கத்தரிக்காய் பச்சடி

கத்தரிக்காய் பச்சடி

தேவையான பொருட்கள் :

கத்தரிக்காய் - 1/4 கிலோ

வெங்காயம் - 1

தக்காளி - 1

பச்சை மிளகாய் - 2

பூண்டு - 6 பல்

இஞ்சிபூண்டு விழுது - 1/2 ஸ்பூன்

மஞ்சள் தூள் - 1/2 ஸ்பூன்

மிளகாய் தூள் - 1/2 ஸ்பூன்

மல்லி தூள் - 1/2 ஸ்பூன்
சீரக தூள் - 1/2 ஸ்பூன்

புளி - நெல்லிக்காய் அளவு

கடுகு - 1/2 ஸ்பூன்

வரமிளகாய் - 2

கறிவேப்பில்லை - 2 கொத்து

உப்பு - 1 ஸ்பூன்
சீனி - 1 டேபிள் ஸ்பூன்

எண்ணெய் - தேவையான அளவு

செய்முறை:

1. கத்தரிக்காயை நீளவாக்கில் துண்டுகளாக நறுக்கி வைத்து கொள்ளவும். வெங்காயம், தக்காளியை மெல்லியதாக நறுக்கி கொள்ளவும்.பச்சை மிளகாயை நடுவில் கீறி வைக்கவும்.

2. அடுப்பில் கடாயை வைத்து கடுகு, வரமிளகாய், கறிவேப்பிலை தாளிக்கவும்..

பின்னர் வெங்காயம், தக்காளி, பச்சை மிளகாய், பூண்டு சேர்த்து நன்கு வதக்கவும்..

3. பிறகு இஞ்சிபூண்டு விழுது சேர்த்து பச்சை வாசம் போகும் வரை வதக்கவும்.

    கத்தரிக்காய் துண்டுகளை அதில் சேர்த்து நன்கு சுருள வதக்கவும்..

4. தூள் வகைகள், உப்பு, புளி தண்ணீர் சேர்த்து நன்கு வேக விடவும்...

5. கத்தரிக்காய் வெந்து எண்ணெய் பிரிந்து வரும் சமயம் சீனியை சேர்த்து       நன்கு பிரட்டி விடவும்.

 காரமான கத்தரிக்காய் பச்சடி தயார்...

இதனை திருமண விருந்துகளிலும், விஷேஷங்களிலும் பிரியாணி, நெய் சோறு இவற்றிற்க்கு சைட் டிஷ் ஆக இடம்பெறும்...