கேலாங் சிராய் - நோன்பு சந்தை

கேலாங் சிராய் - நோன்பு சந்தை

இங்கு சிங்கையில் கேலாங் சிராய் என்ற இடம் மலாய் மக்கள் அதிகம் வசிக்கும் பகுதி.அவர்களது உணவுகள், ஆடைகள் என எல்லாமே இங்கு விதவிதமாக இருக்கும்.

அதிலும் குறிப்பாக நோன்பு காலங்களில் இங்கு ஒரு மாதம் முழுவதும் ரோட்டை அடைத்த மாதிரி நோன்பு கடைகள் போடுவார்கள்.அதை பற்றியது தான் இந்த பதிவு..

2 வாரங்களாக இந்த பதிவை எழுத நினைத்து வேலை மிகுதியால் முடியவில்லை.

பெண்கள் தலைக்கு அணியும் பாஜிகுரோங் தூடோங் துண்டுகள் இங்கு ஏராளமாக கிடைக்கும்.முன்பு விலை மலிவாக இருக்கும் என்றார்கள்.இப்பொழுது இங்கும் அதிக விலை தான்.ஆனாலும் மக்கள் வாங்குவதை விடவில்லை..

பெருநாள் பண்டிகை அன்று மலாய் குடும்பத்தை சேர்ந்தவர்கள் ஒரே நிறத்தில் உடை அணிந்து செல்வது பார்க்க மிகவும் அழகாக இருக்கும்.கைக்குழந்தையில் இருந்து பெரியவர்கள் வரை ஒரே நிறத்தில் உடை அணிந்தால் அழகு தான் இல்லையா!!

உடைகளுக்கு அடுத்து கண்ணை கவர்வது ஹோம்மேட் குக்கீஸ் தான். இங்கு விஷேச சமயம் உறவினர்களை சந்திக்க செல்கையில் கண்டிப்பாக அவர்கள் இதை வாங்கி செல்வார்கள்.

நாங்கள் விரும்பி இங்கு செல்வது உணவுகளுக்காக தான்.ரம்லி பர்கர், சிக்கன் கெபாப் இரண்டும் எனக்கும் என்னவருக்கும் மிகவும் பிடித்தது.
ஒரு சில உணவு வகைகள் உங்கள் பார்வைக்கு. ( சில ஃபோட்டோ நெட்டில் சுட்டது தான் கூட்டத்தில் எடுக்க முடியவில்லை)

இங்கு ஹென்னா போடுவதும் தற்பொழுது ரொம்ப ஃபேமஸ்.எல்லாம் நம் இந்திய பெண்கள் தான் போடுகிறார்கள்.ஒரு கைக்கு சிம்பிளாக போட 10 டாலர் என்று செம வியாபாரம் இங்கு தான். சீன பெண்கள் அனைவர் கையிலும் நம் ஊர் ஹென்னா தான் என் அலுவலக தோழி உட்பட.

கம்பளம், திரைச்சீலை, வீட்டு உபயோக பொருட்கள், அலங்கார பொருட்கள், ஃபோன் கவர்கள், காலணி, கைப்பை வகைகள் என்று 100க்கும் மேற்பட்ட கடைகள் உண்டு.
மலாய் மக்கள் மட்டுமின்றி அனைத்து தரப்பினரும் வந்து போகிறார்கள்.
பல நாட்டிலிருந்தும் வியாபாரிகள் வந்து விற்பனை செய்கிறார்கள்.
அனைவருக்கும் சந்தோஷம் தரும் வகையில் இருக்கும் இந்த நோன்பு சந்தை.