பன் ஹல்வா
தேவையான பொருட்கள் :
பன் - 1 பாக்கெட் (சிறியது)
சீனி - 1/2 கப்
தண்ணீர் - 3/4 கப்
முந்திரி - 10
திராட்சை - 10
குங்குமப்பூ - 1 பின்ச்
நெய் - 1/2 கப்
செய்முறை :
1. பானில் 1 ஸ்பூன் நெய் விட்டு சூடானதும் பன்னை இருபுறமும் வாட்டி எடுத்து கொள்ளவும். பன்னை சிறிய துண்டுகளாக நறுக்கி கொள்ளவும்.
2. பானில் 1 ஸ்பூன் நெய் விட்டு சூடானதும் முந்திரி, திராட்சையை பொன்னிறமாக பொரித்து எடுக்கவும்.
3. சீனியுடன் தண்ணீர் சேர்த்து கரைந்ததும் பன் துண்டுகளை சேர்த்து கலந்து விடவும்.
4. பன் துண்டுகள் பாகில் கரைந்து வரும்பொழுது சிறிது சிறிதாக நெய் சேர்க்கவும்.
5. ஹல்வாவில் இருந்து நெய் பிரிந்து வரும்பொழுது முந்திரி, திராட்சை, குங்குமப்பூ சேர்த்து கலந்து விடவும்.
6. சுவையான பன் ஹல்வா எளிதில் தயார்.
* பன்னுக்கு பதிலாக ப்ரெட் துண்டுகளை பயன்படுத்தியும் செய்யலாம்.
0 கருத்துகள்:
கருத்துரையிடுக
உங்கள் கருத்துக்கள் என்னை போன்ற புதியவர்களுக்கு ஊக்கமளிக்கும்...