கோதுமை ரவை பொங்கல்
இணையத்தில் பார்த்து முயற்சித்த குறிப்பு தான்..சுவையாக வந்ததால் இங்கு பகிர்ந்து கொள்கிறேன்.
தேவையான பொருட்கள் :
கோதுமை ரவை - 1 கப்
பாசிப் பருப்பு - 1/4 கப்
மிளகு - 1/2 ஸ்பூன்
சீரகம் - 1/2 ஸ்பூன்
முந்திரி - 10
பெருங்காய தூள் - சிறிது
நெய் - 2 டேபிள் ஸ்பூன்
கறிவேப்பிலை - 1 கொத்து
உப்பு - 3/4 ஸ்பூன்
தண்ணீர் - 2 கப்
செய்முறை :
1. கோதுமை ரவையை பருப்புடன் சேர்த்து 3 முறை களைந்து கொள்ளவும்.
2. அத்துடன் 2 கப் தண்ணீர், உப்பு பெருங்காயதூள் சேர்த்து குக்கரில் 3 விசில் வைக்கவும்.
3. வாணலியில் நெய் விட்டு சூடானதும் மிளகு சீரகம் முந்திரி கறிவேப்பிலை தாளித்து பொங்கலில் சேர்க்கவும்.
4. சுவையான எளிதில் செய்யக் கூடிய கோதுமை ரவை பொங்கல் தயார்.
சட்னி சாம்பாருடன் சாப்பிட நன்றாக இருக்கும்.
டயட்டில் இருப்பவர்கள் நெய்க்கு பதிலாக கொஞ்சமாக எண்ணெய் சேர்த்து சாப்பிடலாம்..
Simply Superb !
பதிலளிநீக்குவருகைக்கும் கருத்துக்கும் நன்றி சாரதாம்மா...
பதிலளிநீக்கு