சிக்கன் சேமியா பிரியாணி

சிக்கன் சேமியா பிரியாணி

தேவையான பொருட்கள் : 

சேமியா - 1 பாக்கெட்
வெங்காயம் - 2
தக்காளி - 2
பச்சை மிளகாய் - 2

போன்லெஸ் சிக்கன் - 100 கிராம்
முந்திரி - 6
இஞ்சிபூண்டு விழுது - 1 ஸ்பூன்
தயிர் - 2 டேபிள் ஸ்பூன்
மஞ்சள் தூள் - 1/2 ஸ்பூன்
மிளகாய் தூள் - 1 ஸ்பூன்
கரமசாலா தூள் - 1/2 ஸ்பூன்
உப்பு - 1 ஸ்பூன் 
பட்டை, கிராம்பு, ஏலக்காய் - தலா 2
எண்ணெய் - 2 டேபிள் ஸ்பூன்
புதினா - சிறிது 

செய்முறை : 

1. வெங்காயம், தக்காளியை மெல்லியதாகவும், பச்சை மிளகாயை நடுவில் கீறியும் வைக்கவும். முந்திரி, சிக்கனை பொடியாக நறுக்கி கொள்ளவும்.

2. பானில் எண்ணெய் ஊற்றி சூடானதும் பட்டை, கிராம்பு, ஏலக்காய் தாளித்து வெங்காயம், பச்சை மிளகாய், உப்பு சேர்த்து வதக்கவும். 

3. இஞ்சிபூண்டு, முந்திரி சேர்த்து பச்சை வாசனை போகும் வரை வதக்கவும்.

4. பின்னர் தக்காளி, புதினா, சிக்கன் துண்டுகளை சேர்த்து நன்கு வதக்கவும்.

5. அதனுடன் தூள் வகைகள், தயிர் சேர்த்து பிரட்டி விடவும்.

6. மசாலா திக்காக வரும் சமயம் 3 கப் நீர் சேர்த்து கொதிக்க விடவும். கொதி வந்ததும் சேமியாவை சேர்த்து மூடி போட்டு 10 நிமிடம் வேக விடவும்.

7. தண்ணீர் வற்றி சேமியா வெந்து வரும் பொழுது அடுப்பை  அணைக்கவும்.

ஈசியாக செய்ய கூடிய சிக்கன் சேமியா பிரியாணி தயார்.

* பனீர், மஷ்ரூம் இப்படி எது வேண்டுமென்றாலும் சேர்த்து செய்தால் ருசியாக இருக்கும்.